ఓ రంగుల వన్నెల చిలుకా

ఓ రంగుల వన్నెల చిలుకా .... చూడే నీ వెనక
అలుపంటూ లేని .... ఈ అల్లరి పిల్లాడి నడకా...!!

ఓ బంగారు మేను తళుకా ....చుట్టూ ఏమి కానకా
ఎక్కడికే ఆ అడుగుల...  చప్పుడు వినక .....!!

ఓ సారి ఇటు చూడే ...పాపం పసివాడే
నీ చూపుల కోసం వేచి ఉన్నాడే...!!

అన్ని వదిలేసి నిన్నే వలచాడే
నీ తలపుల్లో ...నిదురే మరచాడే .....!!

ఎవరేమనుకున్నా ...తానేమనుకోడే
అంతగా నీకై మైమరపు అయ్యాడే ....!!

నిన్నందరికంటే మిన్నగా చూస్తాడే
నిన్నెవరేమన్నా... చూస్తూ కూర్చోడే...!!

గుండె తలుపుల్ని ...తెరిచే ఉంచాడే ...
దేవత నువ్వంటూ ...భక్తుడు అయ్యాడే ....!!