ఓ తారలా మైమరచి పోతూ

ఆరు బైట, అంబరాన, వేచి వున్నా ఆకాశ తీరం ....
మెరిసే  కన్నులతో ... చూస్తోంది నా రాక కోసం ,

చీకటి దుప్పటి పరిచి,
చల్లని గాలితో  ఆహ్వానం పంపి ....

వెన్నెల పల్లకినిచ్చి ......
చిరు గాలికి  మధు రాగాలిచ్చి ,

రారమ్మని ఆశగా చూస్తూ .....
నిదురమ్మను నా వద్దకు పంపి ,

ఉహల రెక్కలు తొడిగి .....
కమ్మని కలలను కనుల వాకిటనుంచి ,

జోజోమ్మని , రారమ్మని ... తియ్య తీయగా పిలువగా ....
ఎద హాయిగా , తేలికపడి ... నిదురమ్మ ఒడిలోనా
ఒదిగి నిదుర పోగా !

కనులు వాలి, నిదుర పోయి , పల్లకి ఎక్కి , రెక్కలు తొడిగి ......
నే చేరా ... ఆ తీరం , ఓ తారలా మైమరచి పోతూ !!